Germanııada myńdaǵan adam abortqa qarsy sherýge shyqty
ASTANA. KAZINFORM — Berlın men Keln qalalarynda abortqa qarsy «Ómir úshin sherý» aktsııalary ótti, dep habarlaıdy DW.
Polıtsııanyń málimetinshe, Berlındegi sherýge shamamen 2500 adam qatysqan, al Kelnde uıymdastyrýshylar 5000 adam jınalǵanyn habarlady.
Sherýge shyqqandar qoldaryna «Abort — bul ádiletsizdik», «Balalarsyz — bolashaq joq», «Adamnyń qadir-qasıeti jasqa qaramaıdy», «Inklıýzııa týylmaı turyp bastalady» degen jazýy bar plakattar ustap shyqty.
Berlın men Kelndegi kontrdemonstratsııaǵa qatysýshylar «Meniń denem — meniń tańdaýym», «Jynystyq ózin-ózi anyqtaý — bul adam quqyǵy», «Biz bala týatyn mashına emespiz» dep urandatty.
Polıtsııa zań buzýshylarǵa qatań shara qoldanatynyn málimdedi. Quqyq qorǵaý organdarynyń ókili Kelnde kontrsherýshiler «Ómir úshin sherýdi» eki ret toqtatýǵa tyrysqanyn, biraq polıtsııa olardy shetke yǵystyryp, aktsııany jalǵastyrýǵa múmkindik bergenin habarlady.
Qazirgi ýaqytta Germanııada abort tek arnaıy keńes berý qyzmetinen ótken soń ǵana ruqsat etiledi. Bul jaǵdaıda júktilikti tek alǵashqy úsh aı ishinde ǵana úzýge bolady.
Sonymen qatar, zorlyq-zombylyqtan keıin nemese áıeldiń ómiri men densaýlyǵyna qaýip tóngen jaǵdaıda da abort jasaýǵa ruqsat beriledi. Basqa jaǵdaılarda abort jasaý qylmystyq is bolyp sanalady.
Kontrdemonstratsııaǵa qatysýshylardyń arasynda abortty qylmystyq jaýapkershilikten bosatýdy (dekrımınalızatsııany) talap etkender de boldy.
Budan buryn Germanııada áleýmettik járdemaqyny zańsyz ıelenetin «mafııaǵa» qarsy kúres bastalǵany anyqtaldy.