Germanııada mıgranttar eń kóp jumys isteıtin mamandyqtar anyqtaldy

ASTANA. KAZINFORM — Germanııada mıgranttar jıi tańdaıtyn kásibı baǵyttar ataldy, dep habarlaıdy DW agenttigi.

Germanııanyń Federaldyq statıstıka basqarmasynyń málimetterine sáıkes, mıgranttar nemese olardyń balalary kóbinese dánekerleýshi bolyp jumys isteıdi. Belgili bolǵandaı, osy saladaǵy mamandardyń 60%-y mıgranttar kórinedi.

Sondaı-aq olar aspazdyq nemese tamaq óndirisinde qyzmet atqarady(54%), qurylys baspaldaqtaryn qurady (48%), qoǵamdyq kólikti júrgizedi (47%), et óńdeýmen aınalysady (46%) nemese qoǵamdyq tamaqtaný salasynda qyzmet kórsetedi (45%).

Budan bólek basqa elden kelgen azamattar – plastmassa jáne rezeńke óndirisi (44%), qonaqúı bıznesi (40%), júk kóligin júrgizý (39%), metall óńdeý (37%), qarttarǵa kútim jasaýmen (33%) aınalysady.

Myna salalarda mıgranttardyń úlesi óte az:

• polıtsııada – bar bolǵany 7%;

• jedel járdem jáne tótenshe jaǵdaı qyzmetkerleri arasynda – 8%;

• memlekettik jáne saqtandyrý mekemelerinde, bastaýysh synyp muǵalimderi men zańgerler arasynda – árqaısysy 9%;

• salyq qyzmetinde jumys isteıtinderdiń ishinde – 10% ǵana mıgranttar nemese olardyń balalary.

Budan buryn Grekııa araldaryna kelip jatqan mıgranttar sany kúrt artqanyn jazǵan edik.

Al 2026 jyldan bastap Chehııa mıgranttar men bosqyndarǵa qatań talaptar engizedi.