Germanııada mıgrant er adam áıel men balany poıyzdyń astyna ıterip jiberdi
FRANKFÝRT-NA-MAINE. QazAqparat – 29 shildede Maındaǵy Frankfýrt ortalyq vokzalynda er adam endi ǵana kelgen júrgek poıyzdyń relsine 8 jasar ul men anasyn ıterip jibergen. Bala qaza tapty, al áıel tiri qaldy, dep habarlaıdy QazAqparat tilshisi Deutsche Welle-ge silteme jasap.
Qylmysker qashyp ketpekshi bolǵan, biraq ony kýágerler ustap alyp, polıtsııaǵa bergen.
Polıtsııanyń deregi boıynsha, kýágerler qalaaralyq ekspress poıyz jaqyndaǵan kezde qaskúnemniń taǵy bir adamdy relske qulatyp jibermekshi bolǵanyn habarlady. Ol da aman qalǵan.
Tergeý barysynda anyqtalǵandaı, shabýyldaýshy – Shveıtsarııada turatyn 40 jastaǵy Erıtreı azamaty. Úılengen, úsh balasy bar. Tergeýshilerdiń aqparaty boıynsha, qurbandar men onyń arasynda eshqandaı baılanys bolmaǵan. Er adam 2008 jyly Shveıtsarııada baspana alǵan. Ol sodan bes kún buryn kórshisin pyshaqpen qorqytyp, keıin oǵan qamaýǵa alý orderi berilgen. Ol osyǵan baılanysty Germanııaǵa saparlaýy múmkin.
Germanııa prokýratýrasynda aıyptalýshy er adamnyń esirtki paıdalanǵany nemese mas kúıde bolǵany týraly dálel joq. Shabýyldaýshy nelikten mundaı áreketke barǵanyn aıtpaı otyr. Qazir oǵan psıhıatrııalyq saraptama taǵaıyndaldy.
Qaıǵyly oqıǵadan keıin adamdar vokzaldaǵy memorıalǵa gúl shoqtary men shamdar ákelip jatyr. Germanııa ІІM basshysy bul oqıǵany «adam óltirý» jáne «aýyr qylmys» dep atady.
30 shildede Berlınde ótkizilgen arnaıy baspasóz máslıhatynda Germanııa ishki ister mınıstri Horst Zeehofer nemis temirjol vokzaldaryndaǵy polıtsııa sanyn arttyrý kerektigin málim etti.
«Budan bólek qaýipsizdikti kúsheıtý úshin tehnıkalyq múmkindikterdi zertteý kerek», - dedi osy oqıǵaǵa baılanysty demalysyn úzgen mınıstr.
