Germanııada meıramhanada bolǵan atys saldarynan úsh adam mert boldy
ASTANA. 21 tamyz. QazAqparat - Germanııanyń Dossenhaım qalasynda er adam jergilikti sportklýbtyń meıramhanasynda atys shyǵardy. Sonyń saldarynan eki adam qaza bolyp, taǵy beseýi aýyr jaraqat alǵan, dep habarlaıdy RBK. Atys shyǵarǵan er adam oqıǵadan keıin óz-ózine qol salǵan.
Polıtsııa málimetterine sáıkes, bul sátte meıramhanada jyljymaıtyn múlik ıeleri qaýymdastyǵynyń kezdesýi ótip jatqan kórinedi. Kezdesý qatysýshylary áldenege kelise qalmaı qalyp, olardyń arasyndaǵy bir er adam janjaldasýshylarǵa qarsy qarý qoldanǵan.
Onyń ne sebepti atys shyǵarǵany ázirge belgisiz.
