Germanııada Lufthansa áýe kompanııasynyń ushqyshtary ereýil jarııalady
ASTANA. Aqpannyń 22-si. QazAqparat - Germanııada avıatsııa tarıhyndaǵy eń úlken ereýil bastaldy. «Azattyq» radıosynyń aqparaty boıynsha, Lufthansa áýe kompanııasynyń 4 myń ushqyshy tórt táýlikke jumystaryn toqtatyp otyr. Olardyń bul áreketteriniń saldarynan, aldyn-ala málimetter boıynsha, 3200 reıs toqtaıdy jáne mıllıondaǵan shyǵyn keledi.
Kelisimge kele almaı otyrǵan taraptarmen kelissóz júrgizý arqyly ereýildiń aldyn almaq bolǵan kólik mınıstri Peter Ramzaýerdiń áreketi sátsiz aıaqtaldy.
Ushqyshtar, kompanııanyń basqa elderdegi enshiles kompanııalaryndaǵy jumys oryndaryn tómendeý aqyǵa aýystyrmaýdy jáne ol kompanııalardaǵy jumystardy da germanııalyq tarıftik kelisimder boıynsha tóleýdi talap etip otyr.
