Germanııada lokdaýn 28 naýryzǵa deıin uzartyldy
BERLIN. QazAqparat – Germanııada lokdaýn 28 naýryzǵa deıin uzartyldy. Mundaı sheshimdi sársenbi, 3 naýryz kúni GFR kantsleri Angela Merkel men 16 federaldy aýmaq jetekshileri vıdeokonferentsııa túrindegi jınalys kezinde qabyldady, dep habarlaıdy QazAqparat Deutsche Welle saıtyna silteme jasap.
Sondaı-aq federaldy jáne jer bıligi 8 naýryzdan bastap keı shekteýlerdi alý týraly kelisti. Onyń ishinde, kitap jáne gúl satatyn dúkender, baý-baqsha ónimderin satatyn dúkender, kosmetıkalyq salondar, avtomektepter men pılottyq mektepter ashylady. Sonymen qatar, jeke qarym-qatynastarǵa qoıylǵan shekteýler de jeńildetiledi. ıAǵnı, 14 jasqa deıingi balalardy eseptemegende, eki úıdiń 5 adamyna deıin kezdesýge ruqsat etildi. Sondaı-aq, kelesi aptadan bastap ár azamat aptasyna bir ret koronavırýstyń bar-joǵyn anyqtaıtyn jedel tegin test tapsyra alady, barlyq shyǵyndy federaldy bılik óz moınyna alady.
Degenmen, azyq-túliktik emes dúkender, qonaqúıler, meıramhanalar men basqa da mekemeler ázirge jabyq. Budan keıingi shekteýdi jeńildetý sharalary turǵyndardy turaqty testileý kontseptsııasy men koronavırýs ınfektsııasynyń taralýyn aptasyna 100 myń turǵynǵa shaqqanda 50 jańa juqtyrý oqıǵasyna deıin tómendetýge baılanysty bolmaq. Kórsetkish turaqtalsa, basqa da dúkender, murajaı, haıýanattar baǵy, botanıkalyq baq jáne memorıaldyq keshender ashylady.
Mundaı sheshimder usynys sıpatynda bolady, federaldy jer bıligi óńirlerdegi karantın tártibiniń jeńildetilgeni nemese qatańdatylǵany týraly sheshimdi epıdemıologııalyq jaǵdaıǵa baılanysty qabyldaı alady.
Eske sala ketsek, buǵan deıin Germanııada qatań karantın 7 naýryzǵa deıin uzartylǵan edi. Germanııada koronavırýstyń jańa shtamdarynyń taralýyn toqtatý maqsatynda Chehııamen shekaralyq baqylaý kúsheıtilip, Avstrııanyń Tırol federaldy shtatynan kirýge tyıym salyndy.
