Germanııada qymyzmuryndyq ótkizgen nemis azamaty qazaqtarǵa qymyz jaıly dáris oqıdy
ALMATY. 2 maýsym. QazAqparat /Erbol Azanbek/ - Búgin Almatyda «Gastroenterologııa-2011» halyqaralyq kongresi ótedi. Sharaǵa Eýropadaǵy áıgili qymyz óndirýshi Gans Tsolman qatysyp, «Bıe súti men qymyz óndirýdiń Germanııadaǵy 50 jyly» atty baıandama jasaıdy.
Gans Tsolman Germanııadaǵy eń iri qymyz óndirýshi, qymyzdy Evropada nasıhattap júrgen tuńǵysh shet eldik. Byltyrǵy jyly ol qymyzmuryndyq sharasyn ótkizip, eýropalyqtardyń qymyzǵa degen qushtarlyǵyn arttyrǵan. Búgingi dárisinde ol bıe saýmaly men qymyzdy emge qoldanýdyń tásilderi jaıly oqıdy.
Kongress jumysyna belgili ǵalym A.Janǵabylov pen otandyq qymyz óndirýshi «Sarjaılaý» korporatsııasynyń» tóraǵasy A.Nursıla qatysyp, qymyzdyń emdik qasıeti jaıla óz oılarymen bólisedi. Sondaı-aq alys-jaqyn shetelderden kelgen as qorytý músheleriniń aýrýlaryn zertteýshi belgili mamandar qatysatyn kongresti QR Densaýlyq saqtaý mınıstrligi, QR gastroenterologtarynyń eýrazııalyq qaýymdastyǵy, Qazaqstan-Reseı Medıtsınalyq Ýnıversıteti uıymdastyryp otyr.
