Germanııada qutqarylǵan órkeshti kıt Tımmı jańa mekenge jol tartty
ASTANA. KAZINFORM — Shamamen eki aıǵa sozylǵan qutqarý operatsııasynan keıin kıt Tımmı tiri qalyp, Soltústik teńizge jóneltildi, dep habarlaıdy DW.
Ony «Fortuna B» býksıri bar barja men ilesip júrgen «Robin Hood» kemesi súıemeldep barady. Bul kolonna Danııanyń soltústigin aınalyp ótip, buǵaz arqyly Soltústik teńizge shyǵyp, kıtti sol jerde bosatýy tıis. Nemis BAQ málimetinshe, Tımmı tynys alyp, sý betine fontandar shyǵaryp otyrady jáne veterınarlardyń jiti baqylaýynda.
12 metrlik kıt 28 sáýir keshinde jeke qutqarý bastamasynyń kómegimen barjaǵa ornalastyrylǵan. Qutqarýshylar ony arnaıy qazylǵan arna arqyly baǵyttap, barjaǵa beldiktermen bekitken. Tasymaldaý kezinde Tımmı qum tóselgen qalqyma dokta jatyr, ol azdap qozǵala alady, biraq torlar onyń aýmaqtan shyǵýyna múmkindik bermeıdi.
Órkeshti kıt naýryz aıynyń basynan beri Baltyq teńizinde júrgen, al mundaı kıtter bul aımaqqa ádette kirmeıdi. Ol birneshe ret taıaz sýda turyp qalǵan, sáýir aıynyń kóp bóligin Pel araly mańynda ótkizgen. Tımmıdiń jaǵdaıyn Germanııada ǵana emes, basqa elderde de muqııat baqylap otyr.
Kıtke Soltústik teńizge jetkennen keıin qaıta joǵalyp ketpeýi úshin GPS-treker ornatylmaq.
Budan buryn Germanııanyń Nındorf jaǵalaýynda órkeshti kıtti qutqarý operatsııasy ekinshi táýlikke jalǵasyp jatqanyn jazǵanbyz.
