Germanııada qus tumaýynyń órshýi saldarynan taǵy 130 myń qus joıylady

ASTANA. KAZINFORM –    Germanııanyń Brandenbýrg aımaǵynda qus tumaýynyń jańa oshaqtary anyqtaldy, dep habarlaıdy DW.

Eldiń soltústik-shyǵysynda fermerler 130 myńǵa jýyq qusty joıýǵa májbúr. Brandenbýrg jerinde vırýs Noıhardenbergtegi fermada 80 myń úırekke, al Noıtrebbınde 50 myń broılerge taraǵan.

Juqtyrý oshaqtarynyń aınalasynda úsh shaqyrymdyq qorǵanys aımaǵy jáne on shaqyrymdyq baqylaý aımaǵy quryldy. Óńir bıliginiń dereginshe, Merkısh-Oderland aýdanynda qus tumaýy bastalǵaly beri jarty mıllıonnan astam qus ólgen nemese joıylǵan.

Aýdan basshysy atap ótkendeı, Merkısh-Oderland Brandenbýrgtegi eń iri qus ósirý ortalyqtarynyń biri bolyp sanalady jáne jabaıy qustardyń kóshý jolynda ornalasqan. Aldaǵy aptalarda turymtaı men aqqýlardyń ońtústikke jappaı usha bastaıdy.

Buǵan deıin kórshiles Meklenbýrg — Aldyńǵy Pomeranııa jerinde shamamen 150 myń jumyrtqalaýshy taýyq joıylǵan bolatyn. Ǵalymdardyń aıtýynsha, indetti oqshaýlaýǵa múmkindik bar, degenmen epıdemııa bul jyly ádettegiden erterek bastaldy. Sarapshylardyń málimetinshe, vırýs tasymaldaýshylardyń bastysy alǵash ret tyrnalar bolǵan, sondaı-aq aqqýlardyń da qyrylýy tirkelgen.

Qus tumaýy saldarynan mal basyn joıýǵa májbúr bolǵan fermerlerge ár qus úshin 110 eýroǵa deıin ótemaqy tólenedi.

Aıta ketelik Germanııada qus tumaýy órshise, jumyrtqa men qus eti tapshy bolýy múmkin.