Germanııada qus tumaýynyń kesirinen 500 myń qus joıyldy

ASTANA. KAZINFORM — Frıdrıh-Leffler ınstıtýty qyrkúıektiń basynan beri Germanııadaǵy fermalarda qus tumaýynyń 30-dan astam oshaǵyn tirkedi, dep habarlaıdy DW.

Bılik ókilderiniń málimetinshe, Germanııada qus tumaýynyń taralýyna qarsy kúres boıynsha qazirdiń ózinde 500 myńnan astam qus joıylǵan. Qyrkúıek aıynyń basynan beri qus fabrıkalarynda aýrýdyń 31 oshaǵy tirkeldi.

Qabyldanǵan sharalarǵa qaramastan, vırýs óte jyldam taralyp barady.

— Jaǵdaıdyń tez ózgerip jatqany sonsha, sandar tek sýret sekildi aýysyp jatyr. Bul absolıýtti kórsetkishti emes, masshtabty (indet — red.) kórsetedi, — dep keltiredi AFP ınstıtýt ókiliniń sózin.

Janýarlar epıdemııasyn baqylaýǵa jaýapty ınstıtýttyń málimetinshe, qus tumaýynyń basym bóligi Tómengi Saksonııa federaldy shtatynda (segiz), sondaı-aq Brandenbýrg pen Meklenbýrg-Aldyńǵy Pomeranııada (árqaısysynda altydan) anyqtalǵan. Sonymen qatar, vırýstyń oshaǵy Tıýrıngııa, Shlezvıg-Golshteın, Soltústik Reın-Vestfalııa, Baden-Vıýrtemberg jáne Bavarııada tabyldy.

Baspasóz hatshysy qus tumaýynan qansha jabaıy qustyń zardap shekkenin boljaý múmkin emes ekenin atap ótti. Bir ǵana Brandenbýrgte aýrýdan 1500-den astam tyrna ólýi múmkin.

Osyǵan deıin Germanııada qus tumaýynyń órshýi saldarynan taǵy 130 myń qus joıylatyny týraly jazdyq.