Germanııada kúrdter sherýge shyqty
ASTANA. QazAqparat - Germanııanyń Dıýsseldorf qalasynda «Islam memleketi» sodyrlarynan zardap shegip jatqan Sırııadaǵy Kobanı qalasyndaǵy kúrdterdiń jaǵdaıyna jurt nazar aýdarý úshin 20 myńǵa jýyq adam sherýge shyqty, dep habarlady VVS agenttigi.
Dál osy másele boıynsha, Germanııanyń ózge qalalarynda oryn alǵan sherýlerdegi qaqtyǵystarǵa qaraǵanda búgingi sherý beıbit ótken. Germanııanyń federaldy polıtsııasynyń habarlaýynsha, eger Kobanı qalasy sodyrlar baqylýyna kóshetin bolsa, kıkiljiń odan saıyn shıelenisýi ábden múmkin. Germanııada 1 mln.-ǵa jýyq kúrd turady. Olardyń deni - 1960 jyldary jumys kúshi retinde kelgen mıgranttar.
