Germanııada qulap qalǵan 55 jasar pildi qutqarý operatsııasy dramaǵa aınaldy

ASTANA. KAZINFORM — Germanııadaǵy haıýanattar baǵynda 55 jasar pil búıirimen qulap, qutqarý operatsııasy bastaldy. Bul dramaǵa toly jaǵdaı boldy, dep jazdy DW basylymy.

Opel haıýanattar baǵynyń qyzmetkerleri 55 jasar Lılak esimdi pildi búıirimen jatqan kúıinde tapqan. Salmaǵy 3,7 tonna bolatyn janýar ózdiginen tura almaǵan, bul qaraýshylardy alańdatqan. Sebebi pilder mundaı qalypta uzaq jatsa, ishki aǵzalaryna zııan kelýi múmkin.

Pildi qutqarý úshin arnaıy jabdyqtary bar 11 órt sóndirýshi shaqyrylǵan. Olardyń ishinde úlken úrlemeli jastyq ta bolǵan. Jastyq Lılaktyń astyna qoıylyp, ony jem-shóppen azdap qozǵaltqannan keıin jastyq úrlengen. Sonyń arqasynda pil qaıtadan aıaǵyna turǵan.

Haıýanattar baǵynyń ókilderi mundaı operatsııalar sırek kezdesetinin, biraq biregeı jaǵdaı emes ekenin aıtty. Shamamen 15 jyl buryn munda taǵy bir pil qulap, ony da órt sóndirýshilerdiń kómegimen turǵyzǵan. Al Lılak oqıǵadan keıin birden tamaqtanyp, ózin jaqsy sezine bastaǵan.

Eske sala ketsek, 2025 jyly Tótenshe jaǵdaılar mınıstrliginiń qyzmetkerleri janýarlarǵa 400-den astam jaǵdaıda kómek kórsetti.

Bul kórsetkish tek resmı tirkelgen shaqyrtýlardy qamtıdy. Naqty jaǵdaılar sany budan da kóp.