Germanııada kúdikti 76 ıslamshyny qamaýǵa alýǵa order berildi
ASTANA. QazAqparat - Germanııada zorlyq jasaýǵa daıyn 76 ıslamshyny qamaýǵa alý order berildi, dep habarlaıdy jeksenbi kúni Welt am Sonntag basylymy.
Basylymnyń qolyna GFR bıliginiń býndestagtaǵy «Jasyldar» fraktsııasynyń suraýyna bergen jaýaby tústi.
Sondaı-aq 2015 jyly Germanııadan Sırııa men Irakqa 150 ıslamshy ketkeni habarlanyp otyr. Birneshe jyldyń ishinde ıslamıstik lańkestik úshin GFR-dan 800 adam ketti, sonyń ishinde 130-ǵa jýyǵy qaza tapqan. 2012 jyly kıkiljiń ortasynda bolǵan adamdardyń úshten bir bóligi Germanııaǵa oralǵan.
«Islam memleketi» lańkestik toby búginde álemdik qaýipsizdiktiń basty qaýipteriniń biri bolyp otyr. Úsh jyldyń ishinde lańkester Irak pen Sırııanyń aıtarlyqtaı aýmaqtaryn basyp aldy. Budan basqa, olar óz yqpalyn Soltústik Afrıka elderinde, atap aıtqanda, Lıvııada taratýǵa tyrysyp jatyr. Túrli derekterge júginsek, IM baqylaýyna alǵan aýmaq 90 myńǵa deıin sharshy shaqyrymǵa jetip otyr - lańkester óz zańdary men bılik organdary bar «Halıfat» qurǵanyn jarııalady.
