Germanııada kórtyshqandar jer astynan ortaǵasyrlyq qorǵan tapty
ASTANA. QazAqparat - Shyǵys Frızııada kórtyshqandar eski qorǵannyń qırandylaryn tabýǵa septigin tıgizdi. Jerasty jándikteri qazyp shyǵarǵan topyraq arasynan qurylys zattarynyń qaldyqtary baıqalǵan. Arheologtar osy óńirdi zertteı kele bul jerde kóne bekinis bolǵan degen tujyrymǵa kelgen.
Bul týraly Rosbalt habarlaıdy.
Keıingi ortaǵasyr dáýirine jatatyn bul kóne bekinis Aýrıh okrýgindegi Nermorda oryn tepken. 500 jyl buryn boı kótergen ǵımarattyń irgetasynyń uzyndyǵy 70, eni 20 metr shamasynda. Ǵalymdar bul ortaǵasyrlyq Frızııaǵa tán kópqabatty munara bolǵan dep sanaıdy.
Bundaı bekinister óz zamanynda onyń ıesiniń baılyǵyn pash etken, sondaı-aq soǵys ýaqytynda elge qorǵan da bolǵan.
Andreas Hıýser bastaǵan arheologtar Nermordaǵy bul qorǵandy óz kezinde aınala tereń or qorshap turǵanyna senimdi.
Osy sııaqty qurylys nysandary Germanııa jáne Nıderland shekarasyndaǵy Raıderlandtaǵy Býnderhte de kezdesedi.
