Germanııada koronavırýsqa qarsy vaktsına shyǵaratyn jańa zaýyt salyndy
BRıÝSSELЬ.QazAqparat – «BioNTech» farmatsevtıkalyq kompanııasy Germanııada jańa zaýyt ashyp, koronavırýsqa qarsy vaktsınalar óndirisiniń keńeıgeni týraly habarlady, dep jazady «QazAqparat» HAA menshikti tilshisi.
«BioNTech» vaktsınasyn jasaýshy Germanııanyń Marbýrg qalasyndaǵy (Frankfýrt qalasynan 75 shaqyrym jerde) jańa zaýytta amerıkalyq alyp «Pfizer»-men birge jasalǵan COVID-19 vaktsınasyn shyǵarýdy bastady. Bul nysan Eýroodaqqa vaktsınalar jetkizý kólemin edáýir arttyrady.
«Biz Marbýrgtegi zaýytta óndiristik protsesti birinshi kezeńnen bastadyq: belsendi farmatsevtıkalyq ıngredıent sanalatyn mRNQ bólshekterin shyǵarlýda», – delingen «BioNTech» kompanııasynyń habarlamasynda.
Tehnıkalyq protsedýralardan keıin tazartylǵan jáne kontsentratsııalanǵan ónim zararsyzdandyrylǵan jaǵdaıda jumysty aıaqtaý úshin «óndiristik seriktes» alańyna tasymaldanady, deıdi kompanııa ókilderi. 2021 jyldyń birinshi jartysynda «BioNTech» Marbýrgtegi kásipornynda COVID-250 vaktsınasynyń 19 mıllıonǵa deıin dozasyn shyǵarýdy josparlap otyr.
Eýropalyq dárilik zattar agenttigi (EMA) osy zaýytta aǵymdaǵy jyldyń aqpan-naýryz aılarynda óndirilgen medıtsına preparattarynyń sapasyna alǵashqy tekserý júrgizedi dep kútilýde. Kompanııa ókilderi Germanııadaǵy kásiporynnyń jyldyq óndiristik qýaty 750 mıllıon dozany quraıtynyn málimdedi.
Óndiris kólemin keńeıtý úshin «BioNtech» kompanııasy ótken jyly shveıtsarııalyq farmatsevtıkalyq alpaýyt «Novartis» kompanııasynan Marbýrg zaýytyn satyp alǵan bolatyn, onda 300-ge jýyq qyzmetker jumys istegen. Jańa ıeleri aldyńǵy qyzmetkerlerdi qaldyrǵanyn atap ótti.
