Germanııada koronavırýsqa baılanysty Oktoberfest ótpeıtin boldy
BRıÝSSELЬ. QazAqparat – Álemdegi eń iri Oktoberfest syra festıvali koronavırýsqa baılanysty bıyl ótpeıtin boldy. Bul týraly seısenbi kúni Bavarııa premer-mınıstri Markýs Zeder málim etti, dep habarlaıdy QazAqparattyń menshikti tilshisi.
«2020 jyly Oktoberfest toqtatylýy tıis. Qaýip óte joǵary. Sizder qashyqtyq saqtaı almaısyzdar, maska da taqpaısyzdar. Koronavırýstyń ekpesi nemese emi tabylǵanǵa deıin abaılap ómir súrý kerek», - dep jazdy Zeder Twitter-de.
Bavarııa premeri bul sheshimdi Mıýnhen meri Dıter Raıtermen birge qabyldaǵan.
Oktoberfest saıtyndaǵy málimet boıynsha, shara 2021 jyldyń 18 qyrkúıeginde ótedi.
Álemge tanymal Germanııadaǵy shara osy jyldyń 19 qyrkúıegi men 4 qazany aralyǵynda ótýi tıis edi.
Qazirgi Oktoberfest dástúri XIX ǵasyrdyń aıaǵynan bastaý alady. Eki apta ishinde festıvalge alty mıllıon adam keledi. Olar Mıýnhende shamamen 1 mlrd eýro jumsaıdy.
Avtory: Tımýr Dúısekeev
