Germanııada koronavırýsqa baılanysty barlardyń jumysy men alkogol satýǵa shekteý qoıyldy
Osy aptada el astanasy men qarjy ortalyǵy qaýpi joǵary aımaqtar tizimin tolyqtyrdy. Germanııada bir táýlik ishinde COVID-19 juqtyrýdyń 4,5 myńnan astam jańa jaǵdaıy anyqtaldy.
Barlardyń qojaıyndary jańa shekteýlerge qarsy bolyp otyr. Olardyń aıtýynsha, komendattyq saǵat ekonomıkaǵa aıtarlyqtaı zııan keltiredi.
Madrıd pen onyń mańyndaǵy qalalar taǵy da keminde 2 aptaǵa jabylady. Munda vırýstyń taralý deńgeıi áli joǵary. Elde bir táýlikte 6 myńnan astam aýrýǵa shaldyǵý jaǵdaılary tirkelgen.
Jańa erejelerge sáıkes turǵyndar qaladan kete almaıdy, tek shuǵyl qajettilik týyndaǵan jaǵdaıda ǵana shyǵa alady. Ispanııa astanasyndaǵy barlar men meıramhanalar endi keshki 10-ǵa deıin jabylyp, adam syıymdylyǵyn eki ese qysqartýy tıis.
Reseıde ekinshi kún qatarynan aýrýǵa shaldyǵýdyń jańa jaǵdaılarynyń sany boıynsha rekord jańarýda. Senbi kúni elde 12 846 adamnan koronavırýs anyqtalǵan. Olardyń úshten biri Máskeýde tirkelgen.
Qala meri Sergeı Sobıanın kelesi apta koronavırýsqa baılanysty jaǵdaıdy «sheshýshi» apta bolatynyn aıtty. Ekonomıkalyq sebepterge baılanysty bılik «asa qajet emes» sharalardan aýlaq bolǵysy keledi.
