Germanııada koronavırýs talaptary kúsheıtilýde

BERLIN. QazAqparat – Germanııa bıligi karantın talaptaryn kúsheıtti. 1 qazannan bastap eldiń barlyq aýmaǵynda ushaq pen poıyz jolaýshylary joǵary dárejede qorǵaıtyn maska taǵýy mindetti bolady. Al medıtsınalyq mekemelerde maska taǵyp qana qoımaıdy, sonymen qatar vaktsınatsııa týraly anyqtamasyn kórsetýge mindetteledi, dep habarlaıdy QazAqparat Euronews-ke silteme jasap.

Densaýlyq saqtaý mınıstrligi atap ótkendeı, federaldy jerlerdiń úkimetteri jergilikti jaǵdaıǵa baılanysty qosymsha talaptardy engize alady. Mysaly, mýnıtsıpaldy kólik pen meıramhanalarda maska taǵý, buqaralyq is-sharalarda áleýmettik qashyqtyq saqtaýdy engizý. Nemis densaýlyq saqtaý mınıstrligi Germanııa jazda koronavırýs boıynsha epıdemııalyq turǵydan salystyrmaly túrde sátti ótti dep habarlady.

Alaıda birneshe apta buryn, negizinen qart adamdar arasynda kovıdtan bolǵan ólim jaǵdaılarynyń ósimi baıqaldy.

Sonymen qatar ushaqtarda maska taǵý týraly talap úkimettik koalıtsııany qatty synǵa aldy.

Áleýmettik jelilerde úkimettiń Kanadaǵa ushatyn ushaǵynan túsirilgen fotosýretter tarady. Onda sheneýnikterdiń ózderi maskasyz ushqany kórsetilgen.

Vıdeodan alynǵan kadr