Germanııada koronavırýs ınfektsııanyń aptalyq ortasha kórsetkishi artyp keledi
NUR-SULTAN. QazAqparat - Germanııada koronavırýs ınfektsııanyń aptalyq ortasha kórsetkishi artyp keledi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Robert Koh atyndaǵy ınstıtýt bul kórsetkishtiń 100 myń adamǵa shaqqanda 17,8-den 23,1 jaǵdaıǵa deıin artqanyn tirkedi.
Ótken táýlikte 1 183 jańa ınfektsııa rastalyp, 2 adam qaıtys bolǵan. Jalpy 84 mıllıon turǵyny bar GFR 3 791 949 adamda koronavırýs ınfektsııasy deregin anyqtady. Bul rette, GFR turǵyndarynyń jartysynan kóbi COVID-19-ǵa qarsy tolyqtaı egilgenin atap ótken jón.
Ázerbaıjanda pandemııa bastalǵannan beri bes myńnan astam adam koronavırýs ınfektsııasynan qaıtys boldy. 2020 jyldyń aqpan aıynyń sońynan bastap Ázerbaıjanda koronavırýstyq ınfektsııanyń jalpy 351 825 jaǵdaıy anyqtalǵan. Ótken kúnniń ózinde COVID-19 juqtyrý jaǵdaıynyń 220 jańa faktisi tirkeldi. Qazirgi ýaqytta aýrýhanalardyń reanımatsııalyq bólimshelerinde koronavırýs juqtyrǵan 11 737 adam emdelýde.
