Germanııada galereıa qyzmetkeri óz kartınasyn ilip qoıǵany úshin jumystan qýyldy
ASTANA. KAZINFORM – Germanııadaǵy zamanaýı óner galereıasy kórmege óz sýretin ilip qoıǵan qyzmetkerin jumystan shyǵardy, dep jazady VVS.
Jergilikti BAQ-tyń habarlaýynsha, 51 jastaǵy er adam óz týyndysyn kórsetý úshin Mıýnhendegi óner murajaıynyń qabyrǵasyna kartınasyn ilip qoıǵan.
Osylaısha sýretshi óz shyǵarmashylyǵyna jurtshylyq nazaryn aýdarýǵa úmittendi.
Onyń 60h120 santımetrlik týyndysy galereıanyń bos dálizinde biraz ýaqyt ilýli turǵan.
Ol galereıanyń tehnıkalyq qyzmet kórsetý bóliminde jumys istedi. Ózin frılanser-sýretshi dep ataıtyn. Osy oqıǵadan keıin onyń eńbek qatynastary toqtatylyp, galereıaǵa kirýge tyıym salyndy.
«Qazirgi zamannyń pınakotekasy» - Pablo Pıkasso, Maks Ernst jáne Salvador Dalıdiń týyndylary qoıylǵan Eýropadaǵy eń iri zamanaýı óner murajaılarynyń biri.
