Germanııada kóne Quran qoljazbasy tabyldy
ASTANA. QazAqparat - Germanııanyń Tıýbıngen ýnıversıtetiniń kitaphanasynda Quran qoljazbasynyń fragmenti tabyldy. Mamandardyń pikirinshe, ol Muhammed paıǵambar (s.ǵ.s) 632 jyly kóz jumǵan soń ondaǵan jyldardan keıin jazylǵan. Bul týraly ýnıversıtet taratqan habarlamada aıtyldy.
Osyǵan deıin sarapshylar qoljazba shamamen VIII-IX ǵasyrlarda jazyldy dep boljap kelgen edi. Alaıda júrgizilgen zertteýler nátıjesinde, sonyń ishinde ony merzimine radııkómirsýtekti saraptaý júrgizý kómegimen manýskrıpttiń kóne ekeni anyqtaldy. Mamandar 95,4% múmkindikpen ol b.d. 649-675 jyldaryna jatady degen toqtamǵa keldi, dep habarlaıdy TASS.
Qoljazba kýfı qarpimen tańbalanǵan.
"Mundaı toqtamǵa kelgen sebebimiz - bul bizde saqtalǵandaǵylardyń ishindegi eń kóne pergamentke jazylǵan Quran", - deıdi kitaphana ókili.
Manýskrıpt Tıýbıngen qalasyna 1864 jyly kitaphana prýssııalyq dıplomat Iogann Gotfrıd Vettsshteınniń jınaǵan kitaptarynyń bir bóligin satyp alǵanda tap bolǵan eken. Bul kitaphana qorynda Qurannyń 20-dan astam fragmenti bar, delingen habarlamada.
