Germanııada kontslagerdiń 100 jastaǵy burynǵy kúzetshisi sot aldynda jaýap berdi
NOIRÝPPIN. DW – QazAqparat – Zaksenhaýzen kontslageriniń 100 jastaǵy burynǵy kúzetshisi Noırýppındegi jer soty aldynda jaýap berdi, dep habarlaıdy QazAqparat Deutsche Welle-ge silteme jasap.
Sottalýshy aıyptaý oqylǵannan keıin sóz alýdan bas tartty. Fashıstik Germanııanyń burynǵy áskerı qyzmetkeri natsıstik lagerdiń 3518 tutqynynyń ólimine qatysy bar dep aıyptalyp otyr. Sot protsesine kýágerler – natsıstik lagerdiń burynǵy tutqyndary qatysýda.
DW naqtylaýynsha, kontslagerde qyzmet etkende keńestik áskerı tutqyndardyń atýǵa qatysqan. Tergeý málimetteri boıynsha, ol qamaýǵa alynǵandardy ýlandyrǵysh gaz kómegimen óltirýde kómek kórsetken. Budan basqa, kontslager tutqyndary «adam tózgisiz jaǵdaıdardy qurý saldarynan» qaıtys bolǵan, aıyptalýshynyń da osyǵan qatysy barlyǵy anyqtaldy.
Qazirgi kezde nemis soty Ekinshi dúnıejúzilik soǵys kezinde natsıster jasaǵan qylmysqa qatysy bar degen kúdikke ilingen 17 adamnyń isimen aınalysyp otyr. Kúdiktilerdiń barlyǵynyń jasy 95-ten kem emes.
«Berlınnen soltústikke qaraı ornalasqan Oranıenbýrgtegi Zaksenhaýzen tutqyndardy bir jerge jınap ustaıtyn lager natsıonal-sotsıalızm kezinde erekshe jaǵdaıǵa ıe bolǵan: 1936 jyly qurylysy aıaqtalǵan ol basqa lagerler úshin úlgi bolyp, keıinnen natsıstik lagerler júıesiniń ákimshilik ortalyǵyna, sondaı-aq SS-tiń oqý lagerine aınaldy. Jalpy alǵanda, munda 200 myńnan astam adam tutqynda bolǵan.
