Germanııada qonaqúı kelýshilerine avtokólikte túneýdi usyndy
ASTANA. QazAqparat - Germanııada qonaqúı óziniń kelýshilerine kólik keıpinde jasalǵan bólmelerge ornalasýdy usynyp otyr, dep jazady Rosbalt.
Usynylyp otyrǵan segiz bólme túrli kóliktiń pishininde jasalǵan. Bul bólmelerge túnegen kezde ashyq aspan astyndaǵy kınoteatrda nemese kólik jýý ornynda jatqandaı áserge bólene alady. Arnaıy bólshektermen bezendirilgen bólmeniń ishi meımandardy tańǵaldyrmaı qoımaıdy.
Tipti, kóliktiń dóńgeleginiń ózi arnaıy bólmege aınalǵan.
Qonaqúı ıeleri ózderiniń erekshe bólmeleri kelýshilerdi qyzyqtyratynyna senimdi. Sondaı-aq alystan kelgen meımandardan bólek, basybaıly baspanasy qonaqúıdiń mańynda ornalasqan adamdar da kelip túneı alady. Tek, ol úshin 480 eýro aqshasyn shyǵyndaýǵa týraly keledi. Sebebi, qonaqúıdegi erekshe bólmeniń bir táýliktik quny osynsha turady.
