Germanııada kómir óndiretin sońǵy shahta jabyldy
BERLIN. QazAqparat - Germanııa tarıhynda bútin bir dáýir - tas kómirdi óndirý dáýiri aıaqtaldy, dep habarlaıdy QazAqparat Deutsche Welle saıtyna silteme jasap.
Nemister tas kómir óndirisin 900 jyldan astam ýaqyt buryn qolǵa alǵan. Keshe, 21 jeltoqsan kúni kezinde Germanııa ekonomıkasynyń órleýine qýatty serpin bergen salalardyń biri tolyǵymen kelmeske ketti. Buryn kenshiler qalasy bolǵan Botropede eldegi eń sońǵy kómir shahtasy Prosper-Haniel saltanatty jaǵdaıda jabyldy.
Eýropadaǵy kómir derjavalary arasynda Germanııa bul dástúrli salany joıǵan alǵashqy memleket emes. Belgııada sońǵy shahta - 1992 jyly, Frantsııada - 2004 jyly jáne Ulybrıtanııada 2015 jyly jabyldy. Atalmysh elderdiń barlyǵynda tas kómir óndirisi ekonomıkalyq sebepterge baılanysty toqtatyldy. Odan ekologııalyq qaýipsizdik turǵysynan (halyqty tútinnen, al jahandyq klımatty - parnıkti gazdardyń taralýynan qorǵaý) bas tartý - sońǵy kezdegi úrdisterdiń biri.
Shahtanyń saltanatty jabylý rásimine Germanııa prezıdenti Frank-Valter Shtaınmaıer qatysty. Shara barysynda oǵan sońǵy óndirilgen salmaǵy 7 keli tas kómir tabys etildi. Shtaınmaıer tas kómirdiń bul kesegi «tarıhtyń bir bóligi» bolyp tabylatynyn atap ótti.
