Germanııada qoqys jáshiginen XVII ǵasyrdyń qundy týyndylary tabyldy
NUR-SULTAN. QazAqparat - Nemis polıtsııasyna 64 jastaǵy jergilikti turǵyn qońyraý shalyp, Orenbah qalasynyń mańynda ornalasqan aıaldamadaǵy qoqys jáshiginen XVII ǵasyrdyń eki sýretin tapqandyǵyn málim etken, dep habarlaıdy QazAqparat The Guardian-ǵa silteme jasap.
Ofıtserlerdiń aıtýynsha, olar polotnolardy baǵalaý úshin tapsyrǵan ónertanýshylar maıly sýretterdiń ekeýi de túpnusqa degen qorytyndyǵa kelgen.
Sarapshylar balanyń portretin beıneleıtin sýretterdiń birin Rembrandttyń shákirti, gollandııalyq sýretshi Samýel van Hýgstraten (1627-1678) salýy múmkin dep sanaıdy. Bul týyndynyń jasalǵan kúni áli belgisiz.
Al ekinshisi venetsııalyq sýretshi Petro Bellottıdiń shyǵarmasy.
1665 jyl dep jazylǵan kenepte sheber óz avtoportretin salǵan.
