Germanııada qoǵamdyq kólik jumysshylary jappaı ereýilge shyqpaq

ASTANA. KAZINFORM – Germanııanyń alty federaldy jerinde 21 aqpan kúni qoǵamdyq kólik jumysshylarynyń narazylyq sherýi ótedi.

 Германияда ереуіл
Фото: Boris Roessler / dpa / picture alliance

Germanııa elindegi BAQ-tarda taraǵan málimetke súıensek, «Verdi» kásipodaq uıymy qoǵamdyq kólik jumysshylaryn ereýilge bastady. 70-ten astam kompanııanyń 53 myń adamy jumysyn toqtatady dep kútilýde.

Bul aktsııa bıýdjettik sala qyzmetkerleriniń jalaqyny kóterý talaptaryn qoldaýǵa baǵyttalǵan. Ereýil Baden-Vıýrtemberg, Bremen, Gessen, Tómengi Saksonııa, Soltústik Reın-Vestfalııa jáne Reınland-Pfalts jerlerin qamtıdy.

Kásipodaqtar men jumys berýshiler arasyndaǵy tarıftik kelissózder áli nátıje bergen joq. «Verdi» ókilderi jalaqyny 8 paıyzǵa nemese aıyna keminde 350 eýroǵa kóterýdi talap etip otyr. Al jumys berýshiler áli óz jaýaptaryn aıtqan joq.

- Qoǵamdyq kólik jumysshylarynyń jaǵdaıy óte qıyn. Qyzmetkerler tym az, sondyqtan jumys kólemi únemi ósip otyrady, - dedi «Verdi» tóraǵasynyń orynbasary Krıstına Bele.

Osyǵan deıin Germanııadaǵy saılaýday kimniń múmkindigi mol ekeni týraly saraptama jarııaladyq.

 

Сейчас читают