Germanııada qobyzshy Raýshan Orazbaevaǵa arnalyp saıt jasaldy
ASTANA. QazAqparat - Germanııada qobyzshy Raýshan Orazbaevanyń ónerine tánti azamattar oǵan arnaıy saıt jasap berdi. Bul týraly Rústem Nurkenov atty azamat óziniń fesbýktegi paraqshasynda bólisti.
Osylaısha qazaqtyń ulttyq mýzyka ónerine tánti jastar, zamanýı tehnologııalardy mádenıetpen, ónermen ushtastyryp otyr.
Al ónersúıer qaýymnyń bul áreketterine rıza bolǵan jeli oqyrmandary ıgis iske ózderiniń rızashylyqtaryn jasyra almaı oı-pikirlerin bildirgen.
«Áne, qobyzǵa arnalǵan saıt bizde joq, al olarda bar. Aqparattyq portaldar osyndaı qarapaıym dızaınmen de ashyp bermeıdi ǵoı. Kúzdiń sońyna taman saıt jasaýdy úırenýdi qolǵa almaqpyn. Kóremiz sonda»,-delingen Rústem Nurkenovtyń jazbasynda.
Jazbada tipti saıttyń qarapaıym bolsa da erekshe talǵammen jasalǵany kórinip tur. Sheteldegi jastar mine, Elbasy kótergen rýhanı jańǵyrý máselesine osylaısha úles qosýda deýge bolady. Atalmysh bastama bolashaqta Qazaqstannyń ónersúıer qaýymy tarapynan da qoldaý taýyp, rýhanı qundylyqtar zamanaýı jetistiktermen jetilip jatsa nur ústine nur bolar edi, árıne.
Bul óz kezeginde Elbasynyń «Bolashaqqa baǵdar: rýhanı jańǵyrý» atty maqalasynda kórsetilgen «Bolashaqta ulttyń tabysty bolýy onyń tabıǵı baılyǵymen emes, adamdarynyń básekelik qabiletimen aıqyndalady. Sondyqtan, árbir qazaqstandyq, sol arqyly tutas ult HHІ ǵasyrǵa laıyqty qasıetterge ıe bolýy kerek»,-degen sózderimen úndeseri sózsiz.
