Germanııada qytaılyq Temu onlaın platformasyna qatysty is qozǵaldy

ASTANA. KAZINFORM – Germanııanyń Federaldy monopolııaǵa qarsy basqarmasy qytaılyq kompanııadan «Germanııa naryǵyndaǵy satýshylarǵa baǵa belgileýge bolmaıtyn talaptar qoıýy múmkin» dep kúdiktenedi. Osyǵan baılanysty tergeý júrgiziledi, dep habarlaıdy Kazinform DW-ge silteme jasap.

Qytaıda ornalasqan Temu onlaın platformasy óte arzan usynystarmen satyp alýshylardyń nazaryn ózine aýdaryp otyr jáne olar EO-ǵa múshe elder arasynda keńinen tanymal. Eýropada bul qyzmet túrin aı saıyn 100 mıllıonnan astam qoldanýshy paıdalanady.

Shamamen bir jyl buryn onlaın platforma nemis satýshylaryna qoljetimdi boldy. 

Brıýsselde Temu EO tutynýshylyq zańnamasyn jáne onlaın platformalar erejelerin buzýy múmkin degen aıyppen tergelip jatyr. 

Osyǵan deıin Eýroodaq Temu-dy tsıfrlyq qyzmetter týraly zańdy buzdy dep aıyptaǵan bolatyn.