Germanııada qazaqtyń dástúrli taǵamdarynan dastarhan jaıylady
ALMATY. QazAqparat - Almaty qalasynyń brendi Germanııada 7-11 naýryz aralyǵynda ótetin halyqaralyq týrıstik ITB Berlin 2018 kórmesinde tanystyrylatyn bolady, dep habarlaıdy QazAqparat tilshisi.
Almaty týraly stend Qazaqstan pavılonynyń 1/3 bóligin almaq.
Visit Almaty týrıstik ortalyǵynan habarlaǵandaı, Qazaqstan stendi 3 negizgi komponentten Almaty qalalyq týrızm jáe syrtqy baılanys basqarmasynyń, «Kazakh Tourism» ulttyq kompanııasynyń, Astana EKSPO taqyrybynan quralady.
Kelýshiler qazaq eliniń salt-dástúri boıynsha kıiz úı quryp, qara jorǵa bılep, sondaı-aq sazsyrnaıda oınap, qurt ázirleýdi úırenetin bolady.
Sonymen qatar sharaǵa Qazaqstannyń iri týrıstik operatorlarynyń ókilderi qatysady.
«Álemniń kóptegen elinde týrızm ekonomıkanyń mańyzdy qozǵaltqysh kúshi bolyp tabylady. Týrızm ındýstrııasy álemdik JІÓ 10 paıyzyn quraıdy. Al Almatyda bul kórsetkish tek 1,5% bolyp otyr. Sondyqtan, bul sharaǵa qatysý arqyly Almaty qalasynyń týrıstik áleýetin arttyrý kózdelip otyr. Kórmege etnomádenı muralar qoıylyp, kómeımen aıtylatyn án, qazaq kúıi sharyqtap, ulttyq as máziri, kádesyılar usynylady»,- dedi basqarma basshysy Erlan Jaılaýbaı.
