Germanııada Qazaqstannyń týmasy qurdasyn pyshaqtaǵan
BERLIN. QazAqparat - Nemis mektebinde ata-anasy Qazaqstan týmasy bolyp tabylatyn Aleks M. atty 15 jastaǵy jas jigit 14 jastaǵy qurdasyn tamaǵynan pyshaqtap, mert qylǵan, dep habarlaıdy «QazAqparat» HAA menshikti tilshisi.
Oqıǵa seısenbi kúni tańerteń Germanııanyń batysyndaǵy Lıýnen qalasyndaǵy mektepte bolǵan. Kúdikti de, qaza tapqan da - bir mekteptiń oqýshylary.
15 jastaǵy jasóspirim polıtsııaǵa «múlikke zalal keltirý» týraly is boıynsha belgili bolǵan. Sol kezde áleýmettik qyzmet oǵan «agressıvti» dep sıpattama bergen edi.
«Kúdiktiniń aıtýynsha, qaza tapqan jasóspirim onyń anasyna birneshe ret jek kóre qaraǵan. Soǵan qatty ashýlanǵan ol synyptasynyń tamaǵyna pyshaq suǵyp alǵan», - delingen Dortmýnd prokýratýrasy men polıtsııasynyń birlesken kommıýnıkesinde.
Qaza tabýshy men kúdikti Germanııa azamattary, dep habarlady «QazAqparat» agenttiginiń tilshisine Dortmýnd polıtsııasynyń baspasóz qyzmetinde. Sondaı-aq, vedomstvo shabýyl jasaǵan jigittiń ata-anasynyń Qazaqstan týmasy ekendigin rastady, alaıda olardyń azamattyǵy týraly suraqqa jaýap berýden bas tartqan.
Aleks esimdi kúdikti sársenbi kúni túste sot aldynda jaýap berip, oǵan adam óltirgeni úshin aldyn ala qamaýǵa alý týraly úkim shyǵarylǵan.
