Germanııada qazaqstandyqtan balasyn nege tartyp aldy - ıÝNISEF ókili pikir bildirdi
«Árıne bala óz otbasynda ata-anasymen turýy tıis. Balany otbasynan tartyp alý sheshimi balanyń múddesin qorǵaý úshin qabyldandy dep esepteımiz. Úlkenderdiń máselesin bala arqyly sheshýge bolmaıdy. Bul Qazaqstan 20 jyl buryn qabyldaǵan Bala quqyqtary týraly konventsııada jazylǵan», - dedi ıÝrıı Oksamıtnyı Astanada Eýropa jáne Ortalyq Azııa ulttyq statıstıkalyq bıýrolarynyń jınalysynda jýrnalısterge bergen suhbatynda.
Onyń aıtýynsha, ıÝNISEF naqty oqıǵalardy tekserýmen aınalyspaıdy.
«Biz balalardyń quqyǵyn qorǵaý, damytý boıynsha birqatar máselelerdi strategııalyq jáne saıası deńgeıde qarastyramyz. Germanııadaǵy oqıǵamen Syrtqy ister mınıstrligi men Bala quqyqtary jónindegi ýákil aınalysady. Meniń oıymsha, oqıǵanyń barlyq egjeı-tegjeıin eskergen jón. Keı adamdar oqıǵanyń anyq-qanyǵyna kóz jetkizbesten, málimdeme jasap jiberýi múmkin. Sondyqtan, áriptesterim men áleýmettik qyzmetkerlerdi balaǵa qatysty máseleni tolyqqandy tekserýge shaqyramyn», - dedi ıÝrıı Oksamıtnyı.
ıÝNISEF ókili balalardyń eresek adamdardaı bolǵan oqıǵany naqty sıpattap bere almaıtynyn atap ótti.
«Sondyqtan, psıholog, áleýmettanýshy, prokýratýra ókili - barlyq qyzmetkerler arnaıy daıyndalýy tıis. ıAǵnı, bala úlken qoldaýmen birge óz ómirine qatysty suraqtardy tolyq túsingeni jón. Munda qazaqstandyq mamandardyń sheteldik ókildermen belsendi jumys isteýin qoldaımyz. Bul turǵyda úlken tabystarǵa qol jetkizdik. Azamattyq qoǵam ashyq bola tústi. Qazir bir nárseni jasyryp qalý qıyn. Asyqpaı, bolǵan oqıǵany muqııat teksergen jón. Biz Qazaqstanda otyryp, Germanııada naqty ne bolǵanyn bilmeımiz. Biraq, Qazaqstan ókilderiniń bul máseleni sheship, barlyq suraqtarǵa jaýap alatynyna senimdimin», - dep óz sózin túıindedi ıÝ. Oksamıtnyı.
Buǵan deıin QR Syrtqy ister mınıstrliginiń resmı ókili Aıbek Smadııarov Germanııa bıliginiń Qazaqstan azamatshasynyń qyzyn tartyp alǵanyn habarlaǵan edi. «Nemis bıliginiń málimetine sáıkes, anasy balasyn mektepke barar aldynda jazalaǵan kórinedi. Kishkentaı qyz ol týraly mektepke aıtyp barǵan.
