Germanııada qazaqstandyq dıplomattar Keńes jaýyngerlerine arnalǵan eskertkishterge gúl shoqtaryn qoıdy
Qazaqstannyń Germanııadaǵy Elshisi Nurlan Onjanov 9 mamyr kúni ortalyq alańdaǵy Treptov saıabaǵyndaǵy Tırgarten Brandenbýrg qaqpasy jáne Reıhstagtaǵy Keńes qutqarýshy áskerlerine arnalǵan eskertkishterge gúl shoqtaryn qoıdy.
Atalǵan is-sharalarǵa burynǵy KSRO elderiniń, antıgıtlershil koalıtsııaǵa qatysýshy memleketter dıplomatııalyq ókildikteriniń basshylary, soǵys ardagerleri, Berlındegi bılik jáne qoǵamdyq-saıası uıymdardyń ókilderi, Býndesverdiń áskerı qyzmetkerleri qatysty.
Ekinshi dúnıejúzilik soǵysta - Berlın qalasy men Reıhstag úshin urystarda qaza tapqan myńdaǵan sarbazdardyń múrdeleri osy memorıal kesheninde jatqany belgili. Berlınniń ózinde Keńes armııasynyń 78 myńnan astam jaýyngeri men ofıtserleri qaza tapty.
Eske sala ketsek, Qazaqstan Respýblıkasynyń Elshiligi men Sakson memorıaldarynyń ortalyǵy birlesip atqarǵan jumystary arqasynda 2010 jyly Berlın qalasynda «Armanda ketken bozdaqtar» atty kitap basylyp shyqqan bolatyn. Munda Uly Otan soǵysynda Germanııa aýmaǵyndaǵy kontslagerlerde qaza tapqan 6 myń qazaqstandyq jaıynda kóptegen málimetter berilgen.
Osy kitaptan qazaqstandyqtar ózderiniń ákeleri, atalary, habarsyz ketken týǵan-týystary jaıynda kóptegen maǵlumat aldy.
