Germanııada qaskóı poıyzda birneshe adamǵa pyshaq saldy
ASTANA. QazAqparat - Germanııanyń Grafıng qalasynda áldekim elektr poıyzyndaǵy jolaýshylarǵa pyshaq ala umtyldy. Kýágerlerdiń aıtýynsha, qaskóı vagon ishinde bir adamdy jaralap, syrtqa shyǵysymen ótip bara jatqan eki adamǵa umtylǵan.
Olardyń biri aýyr jaraqattanyp, aýrýhanada qaza tapty. Germanııadaǵy menshikti tilshimiz Sholpan Naımanbaevanyń aıtýynsha, qazir qaskúnem qolǵa túsken, dep jazady 24.kz.
Ol 27 jastaǵy Germanııa azamaty bolyp shyqty. Jergilikti polıtsııa ókilderi qylmyskerdi radıkaldyq toptyń múshesi bolýy múmkin degen boljam aıtýda. Tergeý amaldary júrip jatyr.
