Germanııada Qasym-Jomart Toqaevty qarsy alý rásimi ótti
ASTANA. KAZINFORM – Germanııa Federatıvtik Respýblıkasynyń Qorǵanys mınıstrliginde Berlınge resmı saparmen kelgen Qazaqstan Prezıdenti Qasym-Jomart Toqaevty qarsy alý rásimi ótti. Bul týraly Aqorda habarlady.
Qasym-Jomart Toqaev pen Frank-Valter Shtaınmaıer bir-birine delegatsııa múshelerin tanystyrdy.
Qurmet qaraýyly rotasynyń bastyǵy raport bergen soń, eki eldiń memlekettik ánurandary shyrqaldy.
Saltanatty is-shara aıaqtalǵannan keıin memleketter basshylary kelissóz júrgizý úshin Germanııa Federaldyq Prezıdentiniń rezıdentsııasyna bardy.
Qasym-Jomart Toqaev Federaldyq Prezıdent Frank-Valter Shtaınmaıerdiń shaqyrýymen Germanııaǵa resmı saparmen barǵanyn jazǵan edik.
Prezıdent Germanııanyń ekonomıkalyq qaýymdastyqtary men qarjy ınstıtýttary jetekshilerimen kezdesti.
