Germanııada káriz sýlarynan polıomıelıt týyndatatyn vırýs tabyldy

ASTANA. KAZINFORM — Germanııadaǵy turmystyq qajettilikke jumsalatyn sýlardan polıomıelıt týdyratyn vırýstyń jabaıy túri anyqtaldy, dep habarlaıdy BELTA.

— Germanııadaǵy turmystyq maqsatta qoldanylatyn sý úlgilerinen 1-tıpti jabaıy polıovırýs (WPV1) tabyldy, — dep málimdedi Robert Koh ınstıtýtynyń baspasóz qyzmeti.

Vırýs tek birneshe jerde, oqshaýlanǵan túrde tabylǵan. ıAǵnı, adamdar arasynda epıdemııalyq deńgeıde taralýy tirkelmegen, tek káriz sýynda kezdeısoq tabylǵan jaǵdaılar ǵana bolǵan.

Sonymen qatar, bul vırýs túri Germanııada sońǵy ret adamdarǵa juqqannan keıin 30 jyl ótken soń tabylǵan.

Dúnıejúzilik densaýlyq saqtaý uıymy bul jaǵdaıdy 2010 jyldan beri Eýropada polıomıelıt anyqtalǵan alǵashqy oqıǵa dep atady.

Buǵan deıin Germanııada qoqys pen vandalızmge qarsy jańa qyzmet qurylǵany belgili boldy.