Germanııada karantın rejımi jeńildetilgen keıin koronavırýs qaıta órshidi
BERLIN. QazAqparat – Ótken sársenbiden bastap Germanııada bılik karantın rejımin jeńildetken bolatyn. Osydan keıin elde koronavırýs ınfektsııasyn juqtyrý sany artyp ketti, dep habarlaıdy QazAqparat Euronews agenttigine silteme jasap.
Robert Koh ınstıtýtynyń málimetinshe, bazalyq reprodýktıvti kósretkish R 1,1 deńgeıden joǵary boldy. Bul 10 naýqas endi 11 adamǵa juqtyratynyn kórsetedi.
Buryn kóbeıý jyldamdyǵy birlikten az bolǵan. Elde koronavırýs 169 myńnan astam adamnan anyqtaldy. COVID-19 vırýsynan 7 395 adam qaıtys boldy, 144 000 adam saýyǵyp shyqty.
Sońǵy kúnderi Soltústik Reın-Vestfalııa jáne Shlezvıg-Golshteın federaldyq jerlerinde et kombınattarynda ınfektsııanyń órshýi baıqalady. Bılik osy kásiporyndardy jabýǵa májbúr boldy.
6 mamyrda Germanııa kantsleri Angela Merkel men 16 federaldy shtattyń bıligi shekteý sharalaryn jeńildetý týraly kelisken bolatyn. Alaıda úkimet basshysy ınfektsııanyń jańa oshaqtary baıqalatyn aımaqtar karantındik rejımge oralatynyn aıtty.
Osyǵan oraı elde pandemııaǵa baılanysty shekteý sharalaryna narazylyqtar ótti. Shtýtgartta bolǵan demonstratsııaǵa qatysýshylar olardyń bostandyǵyna qaýip tónip turǵanyn jáne koronavırýspen baılanysty qaýip-qaterler bos daqpyrt ekenin aıtýda.
