Germanııada karantın rejımi jeńildetiledi
NUR-SULTAN. QazAqparat - Germanııa kantsleri Angela Merkel elde karantın rejımi jeńildetiletinin málim etti, dep habarlaıdy QazAqparat.
«Germanııa kantsleri Angela Merkel federaldy aımaqtar basshylarymen kezdesýde koronavırýs ınfektsııasynyń pandemııasyna baılanysty engizilgen karantındik shekteý sharalaryn birtindep jeńildetý kerek ekenin aıtty. Osy jyldyń 20 sáýirinen bastap áleýmettik qashyqtyqtyń barlyq sharalaryn saqtaı otyryp, aýdany 800 sharshy metrge deıingi dúkender jumys isteı bastaıdy. Sonymen qatar, kitap dúkenderi, avtodılerler men velosıped satatyn dúkender jumysyn qaıta bastaıdy. Eger sáýir aıynyń sońyna deıin epıdemıologııalyq jaǵdaı turaqtansa, onda 4 mamyrdan bastap shashtarazdar men mektepter ashylady», - delingen Memlekettik komıssııanyń shuǵyl shtabynyń Telegram-kanalynda.
Alaıda, meıramhanalar, qonaqúıler, fıtnes-klýbtar men kınoteatrlar ázirge ashylmaıdy. Buqaralyq sharalardy ótkizýge de ruqsat berilmeıdi.
Germanııa kantsleri el tolyqqandy qalypty ómirge tek birneshe apta nemese aılardan keıin ǵana qaıta orala alatynyn aıtty.
