Germanııada qantqa salyq engizý usynyldy

ASTANA. KAZINFORM — Germanııadaǵy dárigerler qaýymdastyqtary da úkimetti qantqa salyq engizýge birneshe ret shaqyrǵan, dep habarlaıdy DW.

Germanııanyń Shlezvıg-Golshteın jeriniń premer-mınıstri Danıel Gıýnter qantqa salyq engizý máselesi saıası da, ekonomıkalyq ta turǵydan áldeqashan pisip-jetilgenin málimdedi. Onyń aıtýynsha, qantty shamadan tys tutyný densaýlyqqa eleýli zııan keltirip, qoǵam úshin úlken shyǵyndarǵa ákeledi.

Danıel Gıýnter bul bastamany 2026 jyldyń birinshi toqsanynda Býndesrattyń qaraýyna usynýdy josparlap otyr. Germanııadaǵy dárigerler qaýymdastyqtary da úkimetti qantqa salyq engizýge birneshe ret shaqyrǵan. Medıtsına mamandary qantpen kúresti temekimen kúreskendeı, ıaǵnı memlekettik deńgeıde keshendi zańnamalyq sharalar arqyly júrgizý qajet dep sanaıdy. Olardyń pikirinshe, bul sharalarǵa aktsızder engizý jáne balalarǵa baǵyttalǵan jarnamalarǵa tyıym salý da kirýi tıis.

Greenpeace uıymynyń jýyrdaǵy zertteýine sáıkes, qantty shamadan tys tutyný qant dıabeti, joǵary qan qysymy men tis jegisiniń damý qaýpin arttyrady jáne Germanııa bıýdjetine jyl saıyn shamamen 12 mıllıard eýro shyǵyn keltiredi.

Sarapshylardyń pikirinshe, qantqa salynatyn salyq onyń tutynylýyn azaıtýǵa yqpal etýi múmkin.

Budan buryn DDU qant dıabetimen aýyratyndar sany otyz jylda tórt eseden astam óskenin málim etti.