Germanııada qala merine jasalǵan shabýyldyń saıası astary joq — polıtsııa

ASTANA. KAZINFORM –  Germanııadaǵy qala meri Irıs Shtaltser ózine shabýyl jasaǵan adam týraly polıtsııaǵa kýálik berdi, dep habarlaıdy DW.

Saıasatkerdiń aıtýynsha, oǵan 17 jastaǵy asyrap alǵan qyzy pyshaqpen shabýyl jasaǵan.

Bernd Haldorn esimdi aǵa prokýrordyń málimdeýinshe, oqıǵa turmystyq janjal saldarynan bolǵan. Qyzdy qamaýda ustaýǵa negiz joq, sondyqtan ol, sondaı-aq shabýyldan keıin ustalǵan 15 jastaǵy asyrap alǵan uly da polıtsııa bóliminen bosatylady. Balalar kámeletke tolmaǵandar isteri jónindegi organnyń qaraýyna beriledi.

Eske salaıyq, 7 qazanda Germanııanyń jýyrda ǵana saılanǵan meri, Germanııanyń Sotsıal-demokratııalyq partııasynyń ókili, 57 jastaǵy Irıs Shtaltser ishinen jáne arqasynan aýyr pyshaq jaraqatyn alǵan edi. Saıasatker aýyr halde aýrýhanaǵa jetkizilgen.

Dárigerlerdiń habarlaýynsha, qazirgi ýaqytta Shtaltserdiń ómirine qaýip tónip turǵan joq.