Germanııada Islam memleketi tobynyń múshesi degen kúdikpen eki adam tutqyndaldy
ASTANA. QazAqparat - Germanııa polıtsııasy eldegi «Islam memleketi» tobynyń múshesi degen kúdikpen eki adamdy tutqynǵa aldy. Olar juma kúni túnde Berlınde jáne astananyń shet aýdandaryna júrgizilgen reıd barysynda ustaldy, dep jazady bı-bı-sı.
Tutqynǵa alynǵandardyń bireýi 41 jasta, ulty - túrik, Germanııa azamaty, polıtsııa ony túrik jáne reseılik azamattardan quralǵan, Sırııada shabýyl jasaýdy josparlap júrgen ekstremıstik toptyń kóshbasshysy dep paıymdaýda.
Endi biri osy ekstremıstik topty qarjylandyrdy degen kúdikpen ustaldy. Olar sonymen birge «Islam memleketi» jıhadshylarynyń qataryn tolyqtyrý úshin ásker jınaǵan dep kúdiktelýde.
Polıtsııa toptyń Germanııaǵa shabýylǵa daıyndyǵy týraly derekterdiń joq ekendigin naqtylady.
