Germanııada iri altyn qazyna tabyldy
ASTANA. QazAqparat - Bavarııanyń Passaý qalasynda jeke ýchaskede qabyrǵany buzýda jumysshylar mıllıon eýroǵa jýyq somaǵa baǵalanatyn iri altyn qazyna tapty. Bul týraly Ýtro.rý nemistiń Passauer Neue Presse gazetine silteme jasap habarlady.
«Sheıtsarııa banki» degen jazýy bar altyn quımalardyń alǵashqy bóligi 24 maýsymda tabylǵan bolatyn, taǵy bir bóligi jumystardy jalǵastyrý ústinde 26 maýsymda kezikken. Qazynanyń taǵy bir bóligi jer astynda jatýy múmkin.
Endi tabylǵan altynnyń ıesi kim ekenin anyqtaý kerek. Qalalyq ókimet oryndary ókiliniń aıtýynsha, quqyqtyq jaǵynan alyp qaraǵanda, tabylǵan zat qalalyq oljalar bıýrosyna berilýi tıis. Degenmen, polıtsııa málimetterine qaraǵanda, qazirgi kezde altyn ýchaske ıesiniń seıfinde saqtaýly tur.
