Germanııada Homo sapiens qaldyqtary tabyldy

ASTANA. KAZINFORM – Ejelgi adamnyń qaldyǵy Tıýrıngııa federaldy shtatyna qarasty Ranıs dep atalatyn shaǵyn qalanyń janyndaǵy Ilzenhel úńgirinen tabylǵan. Bul týraly DW portaly jazdy. 

— Sol ýaqytta bul aımaqta qazirgiden orta eseppen 7-15 gradýs sýyq bolǵan. Sonyń ózinde adamdar bárine beıimdele bilgen, - dep atap ótti Maks Plank qoǵamynyń Leıptsıg evolıýtsııalyq antropologııa ınstıtýtynyń ǵalymdary. 

Bul jańalyq tarıhı derekterge degen kópshiliktiń kózqarasyn túbegeıli ózgertip otyr. Óıtkeni osy ýaqytqa deıin aqyldy adam Eýropada shamamen 40 myń jyl buryn qonystanǵan dep esepteldi, al tabylǵan jáne óńdelgen tas pyshaqtar neandertaldyqtarǵa tıesili ekeni anyqtaldy. Osyǵan baılanysty ǵalymdar bul quraldardy Eýropada neandertaldarmen qatar óte uzaq ýaqyt — shamamen 10 myń jyl ómir súrgen adam jasaǵan degen tujyrym jasady.

Zertteýshilerdiń oıynsha, úńgirdi janýarlar da, adamdar da ýaqytsha baspana retinde paıdalanǵan.

Homo sapiens-tiń soltústik aımaqtarǵa azyq-túlik izdep kóship kelgeni boljanyp otyr. Sebebi munda sol ýaqyttarda sýyqqa tózimdi, úlken jabaıy tabyndar bolǵan. Atalmysh janýarlardyń tisterin taldaý aımaqta óte sýyq kontınentaldy klımat basym bolǵanyn jáne jer bederi qazirgi Sibirge uqsaıtynyn kórsetti.