Germanııada Gıtlerdiń «Maın kampf» kitaby qaıta basylyp shyǵatyn boldy
ASTANA. QazAqparat - GFR-dyń Mıýnhan ınstıtýty 2016 jyly qańtardyń basynda Gıtlerdiń «Maın kampf» kitabyn jarııalamaq, dep jazady dw.de.
Mıýnhen ınstıtýty (Münchener Institut für Zeitgeschichte, IfZ) Adolf Gıtlerdiń ǵylymı pikirler toptamasy jınaqtalǵan «Maın kampf» kitabyn shyǵarýdy josparlap otyr.
Kitap 2016 jyldyń qańtar aıynyń basynda shyǵady. GFR basshylyǵy búgingi kúnge deıin kitapty qaıta jarııalaýǵa tyıym salyp kelgen. Alaıda, 2015 jyldyń aıaǵynda, Gıtlerdiń qaza tapqanyna 70 jyl ótken soń avtorlyq quqyqtyń áreket etý merzimi de aıaqtalady. Uzaqqa sozylǵan daý-damaıdan keıin ǵylymı pikirler toptastyrylǵan kitapty jarııalaýǵa sheshim qabyldandy.
