Germanııada Gıtlerdiń «Maın kampf» kitaby qaıta basylyp shyǵady
ASTANA. QazAqparat - Mıýnhendegi qazirgi zaman tarıhy ınstıtýty synı pikirlermen tolyqqan Gıtlerdiń kitabyn eki tom etip shyǵarmaq, dep habarlady reseılik BAQ.
Onyń baǵasy 59 eýro bolmaq. 1200 betten turatyn kitaptyń úshten eki bóligi tarıhshylar men mamandardyń pikir-paıymdaryna arnalǵan. Ǵalymdardyń pikirinshe, bul kitap Gıtlerdiń kúmándi ıdeıalary aınalasynda órbigen «ańyzdy» talqandaıdy. Ǵylymı zertteýler onyń ıdeıalarynyń álsiz ekenin dáleldeıdi. Al, Germanııada qalyń jurtshylyq «Maın kampfty» qaıta shyǵarýǵa tyıym salý qajettigi týraly másele kóterdi, dep jazady lifenews.ru. Kitaptyń taralymy 4 myń dana. «Maın kampf» GFR kitap dúkenderinde 2016 jyldyń basynda paıda bolmaq. Foto: © / www.globallookpress.com
