Germanııada gazdy tutyný kólemin 20 paıyzǵa qysqartý usynyldy

BRıÝSSELЬ. QazAqparat – Germanııanyń gaz qoımalary tamyz aıynyń ortasyndaǵy jaǵdaı boıynsha 75 paıyzǵa tolǵan. Mundaı málimetterdi Germanııanyń Federaldyq jelilik agenttiginiń basshysy Klaýs Mıýller aıtty, dep habarlaıdy QazAqparat tilshisi.

K.Mıýller gaz qoımalaryn tórtten úshke toltyrý merziminen buryn (eki apta) múmkin bolǵanyn atap ótti. Federaldy úkimettiń kelesi maqsaty – bıylǵy jyldyń 1 qazanyna deıin gaz qoımasyn 85% toltyrylýyna qol jetkizý.

K.Mıýller Financial Times gazetine bergen suhbatynda tutynýshylar gazdy kem degende 20% únemdeýi kerek ekenin atap ótti. Ol tutynýdaǵy aıtarlyqtaı únemdeý qysta gaz tapshylyǵyn boldyrmaýdyń tıimdi ádisi dep sanaıdy. Onyń aıtýynsha, Germanııa únemdeýmen qatar kórshiles elderge gaz tasymaldaýdy qysqartýǵa májbúr bolady. «Eger biz energııany kóp mólsherde únemdeı almasaq jáne qosymsha gaz kólemin almasaq, alda qıyndyqtar kútip turýy múmkin», - dep eskerti K.Mıýller.

Foto: verelq.am