Germanııada farmatsevtterdiń ereýilinen soń dárihanalar jabyldy

ASTANA. KAZINFORM — 23 naýryzda Berlın, Mıýnhen, Gannover, Dıýsseldorf qalalarynda respýblıka kólemindegi demonstratsııalar ótedi dep josparlanǵan, dep habarlaıdy DW.

Tek osy qalalarda ǵana emes, basqa kóptegen jerlerdegi dárihanalar da búgin jabyq bolady dep kútiledi.

Federaldyq farmatsevttik birlestik kezekshi dárihanalarda alǵashqy kómekke qajet dárilerdi áli de satyp alýǵa bolatynyn jetkizdi

Dárihanalar ózderiniń turaqty jınaqtar bóligin qazirgi 8,35 evrodan 9,50 eýroǵa kóterýdi talap etip otyr. Bul másele HDS/HSS jáne SDPG partııalarynyń koalıtsııalyq kelisiminde qarastyrylǵan, biraq medıtsınalyq saqtandyrý qorlarynyń qarjylyq qıyndyqtaryna baılanysty iske asyrylýy keıinge qaldyrylǵan, dep habarlaıdy Tagesschau.

Germanııanyń Densaýlyq saqtaý mınıstri Nına Varken jaqynda osy máseleni sheshý úshin kóktemde jańa qaýlyny usynatynyn ýáde etti.

Sońǵy málimetter boıynsha Germanııadaǵy dárihanalar sany azaıyp barady: 2025 jyldyń sońynda elde 16 601 dárihana boldy, bul bir jyl burynǵy kórsetkishten 440-qa az.

Budan buryn atalǵan ereýilge 160 myńnan astam adam qatysatyny belgili boldy.