Germanııada Eýropadaǵy eń jyldam sýperkompıýter iske qosyldy

ASTANA. KAZINFORM — Germanııanyń ıÝlıh qalasynda Eýropadaǵy eń qýatty sýperkompıýter — Jupiter júıesi iske qosyldy. Ol jasandy ıntellektini damytýǵa, ǵylymı modeldeýler men úlken derekterdi taldaýǵa serpin bermek, dep habarlaıdy DW.

ıÝlıh zertteý ortalyǵynyń málimetinshe, bul Eýropadaǵy alǵashqy kompıýter, sekýndyna 1 trıllıonnan astam operatsııa oryndaıdy. Bul shamamen 1 mıllıon zamanaýı smartfonnyń qýatyna teń. Jupiter kesheni 2300 sharshy metr aýmaqty alyp jatyr jáne 50 konteıner-modýlden turady. Qazirgi ýaqytta ol álemdegi tórtinshi eń jyldam sýperkompıýter sanalady.

Ashylý rásimine Germanııa kantsleri Frıdrıh Merts pen Soltústik Reın-Vestfalııa jeriniń premer-mınıstri Hendrık Vıýst qatysty.

— Jasandy ıntellekt — sońǵy ondaǵan jyldardaǵy elimizdi ózgertýdegi eń basty faktor, — dedi Vıýst.

Onyń aıtýynsha, Jupiter Reın aımaǵynyń qurylymdyq qaıta qurýyndaǵy jańa kezeńniń jáne «kómirden jasandy ıntellektke kóshý» dáýiriniń sımvolyna aınalady.

Sýperkompıýter tek jańartylatyn energııa kózderinde jumys isteıdi jáne álemdegi eń energııa únemdeýshi júıe retinde tanyldy. Ol ashyq tildik modelderdi ázirleýde, adam mıynyń jumysyn shynaıy modeldeýde jáne klımattyq boljamdardy naqtylýda qoldanylatyn bolady.

Jupiter ataýy «Joint Undertaking Pioneer for Innovative and Transformative Exascale Research» (Innovatsııalyq jáne transformatsııalyq ekzaskeıl-zertteýlerdegi pıoner birlesken joba) degendi bildiredi.

Jobanyń jalpy quny shamamen 500 mln eýrony quraıdy. Qarjynyń jartysy EuroHPC JU eýropalyq bastamasy esebinen, qalǵany Germanııa úkimeti men Soltústik Reın-Vestfalııa bıligi tarapynan bólingen.

Aıta keteıik, Pentagon bıologııalyq qaýipterden qorǵaıtyn jańa sýperkompıýterdi tanystyrdy.