Germanııada eýroǵa qarsylardyń partııasy quryldy
ASTANA. 12 naýryz. QazAqparat - Nemistiń jetekshi ekonomısteri, zańgerleri jáne kásipkerleri «Germanııa úshin balama» partııasy qurylǵanyn jarııalady, onyń baǵdarlamasynyń basty tarmaǵy GFR-dyń eýroaımaqtan shyǵýy bolmaq, dep habarlady Lenta.rý Reuters agenttigine silteme jasap.
Qazirdiń ózinde veb-saıtyn ashyp, Tvıtterde akkaýntyna ıe bolǵan partııanyń quryltaı sezi osy aptanyń ishinde Maındaǵy Frankfýrtte ótpekshi.
Partııanyń negizin qalaýshylar Býndestagtaǵy partııalardyń birde-biri Germanııanyń eýroaımaqta bolý qajettigine shúbá keltirmeı otyrǵanyna alańdaýly. Olar sondaı-aq GFR-dyń Eýropanyń ońtústigindegi eleýli daǵdarysqa ushyraǵan elderge orynsyz ondaǵan mıllıard eýro aqsha shashyp otyrǵanyna rıza emes.
Gambýrg ýnıversıtetiniń professory Bernd Lıýke «Nemis tolqynyna» bergen suhbatynda «biryńǵaı valıýta Eýropany daǵdarystan shyǵara almaıdy, qaıta qurlyqtyń ekonomıkasyn qurdymǵa ketiredi» dep málimdedi. Sondyqtan da «Germanııa úshin balama» partııasy nemis markasyna qaıta oralý nemese fındermen, gollandtyqtarmen jáne avstrııalyqtarmen biryńǵaı valıýta qurý kerek dep sanaıdy. Olar mundaı odaq úshin Frantsııa ekonomıkasynyń turaqtylyǵy da jetkiliksiz degen ýáj aıtady.
The Daily Telegraph, basylymynyń jazýynsha «Germanııa úshin balama» partııasy tarapynan qazirgi basshylyqty synǵa alýlaryna Angela Merkeldiń Kıprge qarjy kómegin usyný jónindegi qujatqa qol qoıý múmkindigi de túrtki boldy.
Áleýmettanýshylardyń baǵalaýynsha, jańa partııanyń el azamattary tarapynan qoldaý alýyna múmkindigi bar. Nemisterdiń tórtten biri eýrodan bas tartýǵa jáne nemis markasyna oralý múmkindigin qaraýǵa ázir.
