Germanııada Ekinshi dúnıejúzilik soǵys kezindegi bomba jarylyp, 58 adam jaraqat aldy

ASTANA. KAZINFORM – Germanııanyń Hanaý qalasynda Ekinshi dúnıejúzilik soǵys kezindegi oq-dárilerdi zalalsyzdandyrý operatsııasy baqylaýsyz jarylyspen aıaqtaldy, dep habarlaıdy BILD.

Sarapshylar tapqan qarý órtegish bomba emes, jarylǵysh bomba bolyp shyqty. Odan birneshe turǵyn úıge zaqym kelgen. 28 páter qırap, kem degende bireýi turýǵa jaramsyz dep tanyldy. 58 adam jaraqat aldy.

Jergilikti bılik ókili Mattıas Shaıder sarapshylar snarıad túrin qate baǵalaǵanyn málimdedi.

Operatsııa aldynda sý toltyrylǵan konteınerlerden qorǵanys tosqaýyly ornatylyp, 4 500 turǵyn evakýatsııalandy. Alaıda, jarylys kútkennen de kúshti bolyp shyqty jáne sý tosqaýylyn qıratty.

Hanaý qalasynyń meri Klaýs Kamınskı keıbir otbasylar jaqyn arada úılerine orala almaıtynyn atap ótti. Biraq eń bastysy – barlyq turǵyn din aman.

Eske sala keteıik, buǵan deıin Germanııada tesilgen qubyrdan 25 metrlik munaı burqaǵy atqylaǵanyn jazǵan edik.