Germanııada eki ushaq soqtyǵysty
ASTANA. QazAqparat - Germanııada Erkelents-Kıýkhoven áýejaıy mańynda eki jeńil motorly ushaq soqtyǵysty, dep habarlaıdy Rheinische Post.
Olardyń bireýi tolyqtaı janyp ketken. 70 jastaǵy ushqysh oqıǵa ornynda qaza tapty.
Al ekinshi ushaqta bolǵan 60 jastaǵy ushqysh aýrýhanaǵa jetkizilgen. Dárigerlerdiń aıtýynsha, onyń jaǵdaıy asa aýyr.
Apat saldary ázirge belgisiz. Ushqyshtardyń ekeýi de tájirıbeli, uzaq ýaqyt jergilikti aeroklýbtyń múshesi bolǵan.
Oqys oqıǵanyń sebep-saldary tekserilip jatyr.
Aldyn ala boljamǵa qaraǵanda, ushaqtardyń biri qonýǵa bet alǵan, al ekinshisi áýege kóterilgen.
Qazirgi ýaqytta quqyq qorǵaý organdary apattyń ne sebepti bolǵandyǵyn tekserip jatyr.
